07-02-2018

ACHTERHOEK | Hans Mellendijk



Achterhoek
Vanaf de diek ligt ‘t daor orderlek bi-j.
‘t landschap löt zich gemakkelijk laezen.
Hoogspanningsdraode verraod ‘t kanaal.

Af’edaald tussen de coulissen brekt
de maïs de blik op de huuskamers af.
Dicht’egreu'jd de zichtlienen naor de weerld.

Pas nao ‘t hakselende geraos van de
bekken; oplaezen, trekken, snieden, kneuzen
pletten, blaozen is d’r weer schitterend lech.

Dan nog effen ‘t denderen van de cross
motoren aover ‘t leuge stoppelveld.

Jao, laot nów de novemberstorm maor kommen.

Gepubliceerd in De Moespot | 61e jaorgang no. 259 | september 2018

Geen opmerkingen:

Een reactie posten